Алматыда бес жасар бала аулада ойнап жүріп, саусағын металл қақпаға қысып алған. Салдарынан саусағы түбінен жұлынып кеткен, деп хабарлайды Sayasatlive.kz.
Алматыдағы №2 қалалық клиникалық балалар ауруханасының дәрігерлері шұғыл түрде күрделі микрохирургиялық ота жасады. Төрт сағатқа созылған операцияда хирургтер диаметрі 1 мм-ден аспайтын күретамырды, сіңірлерді, жүйке талшықтары мен қан тамырларын жалғаған.
Нәтижесінде баланың жұлынып кеткен саусағы толықтай қалпына келтірілген. Операция МӘМС қаражаты есебінен тегін жасалған.
