Қазақстандық теннисші Елена Рыбакина Қытайда өткен WTA 500 санатындағы турнирде екінші рет жеңіске жетті, деп хабарлайды Sayasatlive.kz.
«Әйелдер арасындағы жекелей сында әлемнің және Қазақстанның бірінші ракеткасы Елена Рыбакина Қытайдың Нинбо қаласында өткен WTA 500 санатындағы турнирдің финалында жеңіске жетті. Әлемдік рейтингте көш бастап тұрған әрі турнирде бірінші нөмірмен тіркелген қазақстандық спортшы шешуші кездесуде әлемнің 30-ракеткасы, канадалық Лейла Фернандеспен шеберлік байқасты», – делінген жексенбі күні жарияланған хабарламада.
Кездесу екі сетке созылып, Рыбакинаның 6:2, 6:2 есебімен сенімді жеңісімен аяқталды.
