Желіде тараған видеодан мешіттегі оқу сыныбында ұстаздың жасөспірімдерді бірнеше рет ұрып, қамшыға ұқсас затпен сабағынын көруге болады, деп хабарлайды Sayasatlive.kz.
ҚМДБ оқиғаның маусымда Қарасай ауданындағы «Түркістан-1» мешітінде діни сауаттылық бойынша курс кезінде болғанын растады.
Мүфтият мәліметінше, оқушылар арасында жанжал туындаған.
«Мешіт ұстазы балаларды тәртіпке шақыру кезінде эмоцияға беріліп, педагогикалық әдепке сай келмейтін әрекетке жол берген», — делінген мүфтият мәлімдемесінде.
Оқиғадан кейін ұстаз өз қателігін мойындап, оқушылардың ата-аналарынан кешірім сұраған.
ҚМДБ ата-аналардың оқытушыға шағымы жоқ екенін хабарлады.
Мешіт ұстазы қызметінен босатылды.
