Бекет Қуандық қаза тапқан қатарластарына арнап әлеуметтік желіде жазба жариялады, деп хабарлайды Sayasatlive.kz.
Ол бірге қызмет еткен сарбаздардан айырылу өзіне ауыр тигенін айтып, олардың отбасылары мен туған-туыстарына көңіл айтты.
«Бірге қызмет еткен, бір сапта жүрген жігіттерден айырылу – жүрекке ауыр соққы. Мен аман қалғаныммен, сол күнгі қайғы мен қасірет жүрегімде мәңгі қалады. Қасымда болуы тиіс бауырларымның енді арамызда жоқтығы жанымды ауыртады», — деп жазды ол.
Кейін оған әскери борышын өтеу кезінде көрсеткен ерлігі мен жанқиярлығы үшін «Ерлігі үшін» медалі табысталған.
24 қыркүйекте Маңғыстау облысында қайғылы жағдай болды. Каспий теңізіндегі ашық оқу-жаттығулар кезінде 17 әскери қызметкер суға кетіп, 14-і көз жұмды, үшеуі аман қалды.
