Израиль премьер-министрі Биньямин Нетаньяху Дубай–Тель-Авив бағыты бойынша ұшқан Flydubai рейсінің Үндістан азаматы, капитан Смит Маччхарды 2027 жылдың мамырында өтетін Израильдің Тәуелсіздік күніне шақырды, деп хабарлайды Sayasatlive.kz.
«Сіз Израиль, Үндістан және бүкіл әлем үшін қаһармансыз. Үндістан премьер-министрі Нарендра Моди мен сізді Тәуелсіздік күнінде алау жағуға шақырамын», – деді Нетаньяху пилотпен сөйлескен кезде.
Қазір Маччхар ауруханада жатыр. Әңгіме барысында ол Дубайдан Тель-Авивке ұшқан рейсте болған оқиға туралы жаңа мәліметтермен бөлісті.
Бұған дейін БАӘ билігі Flydubai компаниясының Boeing 737 ұшағындағы екінші пилот теракт жасауды жоспарлап, кабинадағы апаттық балтаны пайдаланып, капитанға шабуыл жасауға әрекеттенгенін мәлімдеген.
